Humhâne-i vahdetde ben mestâne-i ‘ışkam yine
Kâşâne-i ‘uzletde ben dîvâne-i ‘ışkam yine
Bu kâr u bârı terk idüp râh-ı fenâyı gözleyüp
‘Ummân-ı ‘irfâna talup dürdâne-i ‘ışkam yine
Kâlu belâ bezminde çün ‘ahd eyledüm cânân ile
Hikmet kitâbın okuyup ferzâne-i ‘ışkam yine
Bu yirde bir olmag içün ikilik itmem ihtiyâr
Agyâr oluban gayrıya cânâne-i ‘ışkam yine
Her dem murâd olan Murâd’a dilberin maksûdıdur
‘Işk âteşinden mahv olup pervâne-i ‘ışkam yine Murâdî (Sultan III. Murat)
(Demirkazık 2021a:33-34)
Yorum Yapmak için Kayıt Olun veya Giriş Yapın