Husrevâ bir la‘l hâtemdür ki bâdem kaşlıdur

62

Fâ‘ilâtün Fâ‘ilâtün Fâ‘ilâtün Fâ‘ilün

 

1 Cem‘ ider peykânlaruñ bagrum katı çok başlıdur

Añlamaz çeşmüm bu râzı gerçi andan yaşlıdur

2 Gözlerüñ ‘aksi ile bu çeşm-i hûnînüm benüm

Husrevâ bir la‘l hâtemdür ki bâdem kaşlıdur

3 Cân u dille gözlerüm ey meh hayâlüñ şâhına

Hânelerdür kış u yaz olmaga içlü tışlıdur

4 Halka-i çeşm-i zaîfüm eşk-i hûn-efşân ile

Hâtem-i zerdür ki la‘lünle ser-â-ser taşlıdur

5 Kara gözlü dirler ise mâha ey dil tañ degül

Dimesün kimse hilâle Sun‘i kara kaşlıdur

 

Gelibolulu Sun’î (1486- 1534) Hayatı..

YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep