Harfü’t-tâ
86.
.-.- / ..-- / .-.- / ..-
İder sipihr cefâyı baña vefâ ile halt
Gam-ı piyâle-i zehri sunar safâ ile halt
Sipihr-i hokka-i pîrûze derûnum ma‘cûn
Felek ider dil-i bîmâruma devâ ile halt
Tutar yüz ehl-i sa‘âdet tarîk-i idbâra
Görince mesned-i ikbâli nâ-sezâ ile halt
Hakîm-i hikmet-i nâ-sâz çarhı çalmadadur
Figân-ı nagme-i şîrîn idüp sadâ ile halt
İdüp bu pîruzenüñ mihrini dilüñden dûr
Sa‘îd el-hazer itme o bî-vefâ ile halt
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636