Mefâ`îlün Mefâ`îlün Mefâ`îlün Mefâ`îlün
 
1 İderseñ de hadeng-i gamzeñi gayra `atâ cânâ
 Komaz şevk-i mahabbet cezb ider benden yaña cânâ
64
2 Ne deñlü olsa cevrüñden dil-i `uşşâk incinmez
Garaz bir iltifâtuñdur gerek olsun cefâ cânâ
 
3 Yine ma`nâ-yı ihlâs-ı dil-i âşüftedür lâbüd
 Suhan-çînân-ı `âlem her ne dirlerse saña cânâ
 
4 Karâr itmek ne mümkin ıztırâb-ı ra`şeden diller
 Perîşân eyledükçe zülfüñi her dem sabâ cânâ
 
5 Olurken cilve-ger mir`ât-ı dilde `aks-i ruhsârı
 Nigâh itmek ne mümkin mihr-i `âlemden yaña cânâ
 
6 Meger kim neşve-i Kevser virür tab`-ı suhan-dâna
 Anuñçün cümlede vasf-ı lebüñdür müdde`â cânâ
 
7 Ne var câm-ı Cem ü mir`ât-ı İskenderde oldukça
 Dil-i Nâmî gibi bir sâgar-ı `âlem-nümâ cânâ
 
Yard. Doç. Dr. Ahmet YENİKALE  AHMET NÂMÎ  DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ