DÎGER BERÂY-I ÂN KASR-I DİL-KÜŞÂ
[mefâ’îlün / mefâ’îlün / fe’ûlün]
1 ‘Ulüvv-i himmeti Sultân Selîm'iñ
Bu kasr-ı ser-bülendi etdi inşâ
2 Zemîni dil-nişîn ü tarhı mevzûn
Mülûku kıt’a bir şeh-beyt-i ra’nâ
3 Muvâfık resmi de tab’-ı Selîm'e
‘Aceb şâhâne nüzhetgâh-ı vâlâ
4 Sanar taht-ı Süleymân'dır hevâda
Bu rif’atle kim eylerse temâşâ
5 Alır âgûşa ‘aks-i dil-pesendin
Gümiş âyînedir pîşinde deryâ
6 Vezân oldukça bâgında sabâdan
Gelir bûy-ı mübârek bâd gûyâ
7 Ne hoş saf-bestedir her cânibinde
Sehî kadler gibi serv-i dil-ârâ
8 Bu târîhi okur kim görse Vehbî
Şeh-i devrâna lâyık kasr-ı a’lâl
…..
Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012