İlâhî meş‘al-i râh-ı Hüdâ it baña nûr ismin
29.07.2017
Mefâ‘îlün Mefâ‘îlün Mefâ‘îlün Mefâ‘îlün
1.1a İlâhî meş‘al-i râh-ı Hüdâ it baña nûr ismin
Ni‘am perverdeñe sen mûcib-i şükr it şekûr ismin
2. Reh-i ‘ışkuñda cüst-cû-yı hakku’l-Hakka gayret vir
Refîk-i râh-bîn it her ‘azîmetde gayûr ismin
3. Meded kim perdeler çâk oldı sırlar fâş diller hûn
Dahı kankı güne saklarsın Allahım gafûr ismin
4.4a ‘Azîzün zü’ntikâm ismin netîce zîb-i hâl itme
‘Afüvv ismine hem-dem kıl halîm ismin sabûr ismin
5.5b İlâhî mazhar-ı hâssıyyet-i ism-i ‘azîz eyle
İden sensin çogalup erec üzre silm u nûr ismin
6. Gulâm u câriye niçün gerek olmayıcak Mevlâ
Göñüllerde mü’esser eyleyen Rıdvân u hûr ismin
7. Ecir sensin şehîd-i gazve-i ‘ışka diyet sensin
Hakîkatce küfürdür bende yâd itmek ecûr ismin
8. Bilenler sırr-ı tahkîki bulurlar semt-i tevfîki
Lisâna almak ister mi hele dâru’l-gurûr ismin
9.9a İlâhî yazma lutf it defter-i bî-gânegân içre
Yazarsañ âşinâdan yaz bu ‘abd-i mend-bûr ismin
10. Hemân Allah hemân Allah hemân Allâh ey Kânî
Ararsañ anda bulursın o ma‘şûkuñ kusûr ismin
Dr. İlyas YAZAR , K Â N Î D Î V Â N I, Ankara 2012
