Mefâ‘îlün Mefâ‘îlün Mefâ‘îlün Mefâ‘îlün
1 İlâhî murg-ı tab‘um eyle bir gülzârdan gûyâ
K’ola her gonçesi bin ‘andelîb-i zârdan gûyâ
2 Mahabbetden dimâga bir halâvet vir ola tâ kim
Dil-i tûtîveşüm âyîne-i esrârdan gûyâ
3 Nevâ-âmûz-ı takdîr eylemişdür bâg-ı ‘âlemde
Beni hâr-ı cefâdan bülbül-i gülzârdan gûyâ
4 Gül-i rüsvâyî-i dâg-ı mahabbet perde-pûş olmaz
Zebân hâmûş-ı hayret çehre cevr-i yârdan gûyâ 4b
5 Olur ehl-i hıred pâ-beste-i zencir-i rüsvâyî
O meclisde k’olur Âgâh zülf-i yârdan gûyâ
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,