İletdi san’atı fenninde çün kemâle kaşun
27.02.2017
İletdi san’atı fenninde çün kemâle kaşun
İletdi san’atı fenninde çün kemâle kaşun
‘Aceb mi başın eger egmese hilâle kaşun
Nezâre eylemek ister cemâl-i dil-keşüne
Egildi tâk-ı cebînden olup havâle kaşun
İkisi bir yire baş çatdı yine kim bilsün
Ne fitneye dürışür nice mekr ü âle kaşun
Hilâl pertev-i mihr ile mâh-ı bedr olur
Fürûg-ı hüsnün ile irişür kemâle kaşun
Mu’anven oldı virelden berât-ı serdârı
Kemîne ‘Âşık-ı pür-derd ü pür-melâle kaşun
