İy risâlet bûstânında hırâmân serv-kad

fâ’ilâtün fâ’ilâtün fâ’ilâtün fâ’ilün

 

İy risâlet bûstânında hırâmân serv-kad

’iy nübüvvet ravzas V ında yâsemen-bû lâle-had

 

 Adı Ahmed bî-’adeddür yâ nebiyallah velî

 Sen bir Ahmedsin ki senden görinür nûr-ı Ehad

 

 Sâd ‘aynuñ mîm agzuñ dâl zülfüñ göreli

 Yâ nebî gitmez dilümden bir nefes zikr-iSamed

 

 Enbiyânuñ her birinüñ var nihâyet ‘ilmine

 Hak saña virdügi ‘ilm ü hikmete yoh hadd ü‘add

 

Cism-i bî-cân kimidür cânâ cihân sensüz hamu

Cânlaruñ sen cânısın cânâ saña cândur cesed

 

 Konmadı âyîne-i bî-rengüñe gerd ü gubâr

 Sîne-i bî-kînüñe gelmeyüben hıkd ü hased

 

 Rûşenî bî-çâre zulmetde kalurdı yâ nebî

 Aña mîm agzuñla iki dâluñ olmasa meded

 

 

Dr. Orhan Kemâl TAVUKÇU, DEDE ÖMER RÛŞENÎ Hayatı, Eserleri, Edebî Kişiliği ve Dîvânının Tenkidli Metni, https://ekitap.kulturturizm.gov.tr/E

 

       Dede Ömer Ruşeni Hayatı ve Eserleri

       Dede Ömer Ruşeni Miskinname, Çobanname ve Divanı