İy yüzi gül gülşen ü bâgum benüm
Zülfünün zinciridür bağum benüm
 
Ol kadar ok urdı gamzen bagruma
Yüregümde kalmadı yagum benüm
 
Vasl-ı sinün Tûr-ı Sînâ’dur bana
İy dil-ârâm oldı turagum benüm
 
Sen gelürsen sinüme baş kaldurup
Ayaguna düşe topragum benüm
 
Dilberâ bin hacc u umre sayaram
Senün-ile her geçen çagum benüm
 
Şol kara hâlün gibi hâlî degül
Yüregümde dâyimâ dâgum benüm
 
Görk içinde olmaya hüsnün gibi
Kadri yüce gönli alçagum benüm
 
Husrevâ lutf eyle rahm it Gavri’ye
İy gözi nerkis yüzi agum benüm
 
14. yy Güney Azerbaycan Horasanlı  Hasanoğlu’nun bir şiirine Sultan Gavri’nin naziresidir.
 
(Yavuz 2002: 105-107)