79955
fâ‛ilâtün fâ‛ilâtün fâ‛ilâtün fâ‛ilün
1 Iztırâbıñ def‛ içün sabrıñ dile imdâdı yok
Hâsılı mecnûn-ı ‛aşkıñ ‛akla isti‛dâdı yok
2 Sanma encüm rahne-i âh-ı şebânemdir benim956
Bî-sadâ bârûtdur te’sîri var feryâdı yok
3 Cûş-ı meyden pür-habâb olmuş durur câm-ı şarâb
Saydgâh-ı ‛işretiñ âhûsu çok sayyâdı yok
4 Rind-i mey-nûşa olunmuş nâm-zed duht-ı ‛ineb957
Mey-fürûşuñ hayf bir sâhib-hıred dâmâdı yok
5 Hep nişân-ı sübha-i evrâdı seng-i şîşedir
Ta‛ne-i ‛işret bilir bu tekyeniñ zühhâdı yok
6 Kayd-ı zülfünden halâs olmak ümîd etmez Lebîb
Hâtırı âzâdedir kim hâtır-ı âzâdı yok
Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 567