Kaddün kimi sütûde sanavber ne yirde var
Anber-feşân saçun kimi anber ne yirde var
Hatt-ı ruhun ki âyet-i seba’l-mesân imiş
Bu hüsn ile hutût-ı muanber ne yirde var
Şîrîn lebün hadîsi ki cân-bahş-ı âlemest
Bu zevk içinde kand-i mükerrer ne yirde var
Evvel kalem ki kudreti çekmiş cemâlüne
Nakkâş-ı Çinde böyle musavver ne yirde var
5. Hüsnün beyâzına düşeli dâne-i siyâh
Bu tavr içinde hâl-i müdevver ne yirde var
Bâd-ı sabâda nükhet-i zülf ü ruhun kimi
Rızvân içinde bû-yı muattar ne yirde var
İçdi Hakîkî câm-ı lebün hamrını didi
Bu tavr içinde mâ-i mutahhar ne yirde var
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368