Kanı ol dem ki kapuñda senüñ derbân idüm cânâ

 

 

Mefâ‘îlün/ Mefâ‘îlün/ Mefâ‘îlün/ Mefâ‘îlün

 

Kanı ol dem ki kapuñda senüñ derbân idüm cânâ

Visâlüñ hânına şâm u seher mihmân idüm cânâ

Kapuñda ululanup ser-fürû itmezdüm eflâke

Seg-i kûyuñla zîrâ hem-dem ü yârân idüm cânâ

Gül-i ruhsâruñ içün her seher gülzâr-ı kûyuñda

Hezârân nagme eyler bülbül-i nâlân idüm cânâ

Hayâlâtına düşinmezdi göñlüm cevr-i gerdûnuñ

Senüñ ma‘cûn-ı la‘lüñden ki kan hayrân idüm cânâ

İrüp Ravzî-sıfat kadr-i bülendüm evc-i keyvâna

İşigüñ bendesi bir şâh-ı ‘âlî-şân idüm cânâ

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009