Fe`ilâtün fe`ilâtün fe`ilâtün fe`ilün
1 Kanlı peykânı ki bu sîne-i üryâna çıka
Benzer ol gonce-i nev-resteye dükkâna çıka
2 Okunun sîneye degdi birisi biri dile
Umarın pâdişehüm birisi de câna çıka
3 Ne kıyâmet kopa ol kâmet-i mevzûnunçün
Ne temâşâ ola şâhum hele seyrâna çıka
4 Aşık-ı haste-i hicrün nice çıkmaz cânı
Hançer-i yâr ki kasd-ı dil-i nâlâna çıka
5 Reh-i `aşkındayuz ol serv-kadün ey Yahyâ
Korkaruz kim yolumuz vâdi-i hicrâna çıka
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147