-.-- / -.-- / -.-- / -.-
 
Kâr olursa lutf-ı Hak her kârda yârî baña
Kâr-ı nigûdur dü- ‘âlemde siyeh-kârî baña
Hûn-ı dil mül gam-ı nukl târ figânum bestedür
İrtikâ-ı ‘işret-i sad-pâyedür zârî baña
Kehribâr-ı zahm-ı tende seng-i ta‘ne her zamân
Cezbe-i kâr-ı muhabbetdür cefâ-kârî baña
Kasr-ı tenden sun‘-ı hikmethâ-yı Bârî seyrine
Revzen-i câm-ı Hüdâdur çeşm-i bî-dârî baña
Kıble-i Ka‘be metâ‘-ı hayr içün ser-mâyedür
Ni‘met-i Perverdgârî ‘ömrümüñ varı baña
Râh-ı teng-i çarh-ı muzlimden güzâr ey Sa‘îd
Gam degüldür ger meded eylerse süvârî bana
 
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636