Kaside 11 Kasîde-i kerem be-nâm-ı Hazret-i Baba Efendi

Kaside 11

Kasîde-i kerem be-nâm-ı Hazret-i Baba Efendi (El-mükerremü’l-mufahhar

rahimehu’llâhi ta’âlâ)

Fe’ilâtün Fe’ilâtün Fe’ilâtün Fe’ilün

1 İstimâ’ itse kuluñ kavlini sultân-ı kerem

Diñlese mûr söziñ ya’ni Süleymân-ı kerem

2 Görse hâlümi benüm fakr ile a’yân-ı sehâ

Bilse zulm oldugını añlasa erkân-ı kerem

3 ‘Ayn-ı ‘adl ile nazar eyleseler ben de disem

Dâd elinden felegüñ ey şeh-i dîvân-ı kerem

4 Sâhib-i ehl ü ‘ıyâlüm irişüp kaht-ı ma’âş

Geldüm ihsân uma ey Yûsuf-ı Ken’ân-ı kerem

5 Bî-güneh dürlü cefâ eyledi hullân-ı vefâ

Saldılar çâha beni zulm ile ihvân-ı kerem

6 Günehüm katre degüldür yem-i ‘afva nisbet

Pestdür kasr-ı kusûr u yüce eyvân-ı kerem

30 H. KAVRUK-B. SELÇUK

7 Agla ey dîde-i ter kim bile enhâr-ı sirişk

Taşıcak mevc ura cûşa gele ‘ummân-ı kerem

8 Tâbiş-i gayret-i akrân ile yandı cigerüm

Bir içim su meded ey çeşme-i hayvân-ı kerem

9 Kızdı tennûr-ı derûn âteş-i gayretle ‘aceb

Kaynayup cûşa n’içün gelmiye tûfân-ı kerem

10 İşbu ebyâtı diyüp aglar iken hâtif-i gayb

İtdi irşâd u eyitdi o hoş elhân-ı kerem

11 Gelesin tûti-i gûyâya delâlet idesin

Mısr-ı cûd içre ‘azîz-i şekeristân-ı kerem

12 Eb-i ebnâ-yı zamân vâlid-i eytâm-ı cihân

Mehd-i kûyında yatur her gice mihmân-ı kerem

13 Beşer envâ’-ı ni’âm matbah-ı eltâfında

Gelür esnâf-ı tuhaf çün döşeye hˇân-ı kerem

14 Bezenür lutfı hevâsı ile bûstân-ı sehâ

Tâze-ter cûdı zülâl ile gülistân-ı kerem

15 Dest-i cûdından anuñ olmadı dirhem hâlî

Kefine dönse revâ keffe-i mîzân-ı kerem

16 Geldi eksikli kuluñ mihr uma mânend-i hilâl

Nûr-bahş ol aña ey mihr-i dırahşân-ı kerem

17 Sensin ol hˇâce-i bâzâr-ı sehâ vü ihsân

Sûk-ı lutf içre müsellem saña dükkân-ı kerem

18 Her kişi şâkilesi üzre ‘amel eyler çün

Sen saña lâyıkın it ey şeh-i dîvân-ı kerem

19 Dühn-i himmetle uyar kendü çerâguñ şâhâ

Aña esdürme yavuz yil tola dâmân-ı kerem

20 Kendü bâguñ çemenin itme yubûsetle helâk

Ebr-i cûduñla irişdür aña bârân-ı kerem

18b. divân-ı kerem: merdân-ı kerem.

FİLİBELİ VECDÎ VE DİVÂN’I 31

21 Kaldı dil beyt-i hazen içre zalâm-ı gamda

Pertev-efken ol eyâ şem’-i şebistân-ı kerem

22 Artura mansıbumı bakmaya noksânuma hîç

Umarın ben kulın arturmaya ol hân-ı kerem

23 Pür-hüner kul görinem n’ola ‘uyûbum çog ise

‘Ayb-bîn olmadı çün a’yûn-ı a’yân-ı kerem

24 İki güni bir olan kimsene magbûndurur

Buyurur anı hadîsinde o sultân-ı kerem

25 Üç yılı bir olanuñ hâli ne olur bilelüm

Bize fetvâ vir eyâ müfti-i devrân-ı kerem

Filibeli Dervişzade Abdurrahman Vecdi Kimdir

Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009