KASİDE 2 Gûş-ı câna irişdi çün nâ-gâh
30.07.2017
KASİDE
2
Fe‘ilâtün/ Mefâ‘ilün/ Fe‘ilün
Gûş-ı câna irişdi çün nâ-gâh
Haber-i lâ ilâhe illallâh
Şeb-i gamda ider dilüm rûşen
Kamer-i lâ ilâhe illallâh
Severin cânum içre cânumdur
Dil-ber-i lâ ilâhe illallâh
Hıfz ider cânı tîr-i ‘isyândan
Siper-i lâ ilâhe illallâh
5 Bitürür cennetüñ yemişlerini
Şecer-i lâ ilâhe illallâh
Cem‘ iderseñ olur gıdâ rûha
Semer-i lâ ilâhe illallâh
Cân dimâgını hoş mu‘attar ider
‘Anber-i lâ ilâhe illallâh
Ser-i küfri ider iki pâre
Şeş-per-i lâ ilâhe illallâh
Ger olursañ ‘Alîlük eylersin
Kanber-i lâ ilâhe illallâh
10 Devr idüpdür behişt-i heşti temâm
Çenber-i lâ ilâhe illallâh
Tûti-i câna itdürür güftâr
Şeker-i lâ ilâhe illallâh
Hatt-ı şirki terâş ider dilden
Berber-i lâ ilâhe illallâh
3
Mahv ider penbe-i günâhı yakup
Şerer-i lâ ilâhe illallâh
Okunursa eger kıyâmetde
Defter-i lâ ilâhe illallâh
15 Ehl-i îmân ider cinâna revân
Sefer-i lâ ilâhe illallâh
Derecâtuñ senüñ ziyâde ider
Hüner-i lâ ilâhe illallâh
Tâze eyler göñül çemenzârın
Matar-ı lâ ilâhe illallâh
Dehen-i zâkire virür lezzet
Şeker-i lâ ilâhe illallâh
Zînet eyler serây-ı cân u dili
Zîver-i lâ ilâhe illallâh
20 Dâr-ı küfri yakar harâb eyler
Leşker-i lâ ilâhe illallâh
Çalagör nefs-i şûmuñ öksesin
Teber-i lâ ilâhe illallâh
Dil sipihrini zeyn iderse ne tañ
Ahter-i lâ ilâhe illallâh
Seni ilter hazîre-i kudse
Rehber-i lâ ilâhe illallâh
Gün gibi kâ'inâtı rûşen ider
Hâver-i lâ ilâhe illallâh
25 Kalsa öldükde kabrüñ üstinde
Eser-i lâ ilâhe illallâh
Kurılur üstüñe kıyâmete dek
Çâder-i lâ ilâhe illallâh
Mustafâ’ya seni mukârin ider
Mahşer-i lâ ilâhe illallâh
Eyle yâ Rab benüm dil ü cânum
Mazhar-ı lâ ilâhe illallâh
4
Beni lutfuñla eyle yâr hemân
Manzar-ı lâ ilâhe illallâh
30 Hayber-i şirki n’ola itse harâb
Haydar-ı lâ ilâhe illallâh
Heyzüm-i küfri hep yakar kül ider
Ahker-i lâ ilâhe illallâh
Cûy-ı eşküm kinârı toptolıdur
‘Ar‘ar-ı lâ ilâhe illallâh
Cünd-i İslâmı hûb ider tertîb
Saf-der-i lâ ilâhe illallâh
Muhkem eyler binâ-yı îmânı
Mermer-i lâ ilâhe illallâh
35 Bâg-ı Firdevs’e togrı bir yoldur
Ma‘bed-i lâ ilâhe illallâh
Degme nâ-dâna ser-fürû mı ider
Bihter-i lâ ilâhe illallâh
Kabr-i târîk içinde yârüñ olur
Yâver-i lâ ilâhe illallâh
Kasr-ı Firdevs ider yirüñ âhir
Kiber-i lâ ilâhe illallâh
Başuña tâc-ı husrevânîdür
Efser-i lâ ilâhe illallâh
40 Dâm-ı gamda komaz göñül murgın
Şeh-per-i lâ ilâhe illallâh
Dîde-i cânı aç ki tâ göresin
Peyker-i lâ ilâhe illallâh
Reg-i emmâreye çal ey ‘ârif
Neşter-i lâ ilâhe illallâh
Şükr ü minnet Hudâ’ya feth oldı
Kişver-i lâ ilâhe illallâh
Gözüñ aydın ki nâ-geh itdi tulû‘
Kamer-i lâ ilâhe illallâh
5
45 Mest-i ‘ışk ol düşürme dilüñden
Sâgar-ı lâ ilâhe illallâh
Mihnet-âbâd-ı gamdan oldı ba‘îd
Âver-i lâ ilâhe illallâh
Saldı mellâh-ı sun‘ bahr-ı dile
Lenger-i lâ ilâhe illallâh
‘Âlemi ‘adl ü dâd ile pür ider
‘Ömer-i lâ ilâhe illallâh
Ne ‘aceb olsa şâh-ı mülk-i bekâ
Hem-ser-i lâ ilâhe illallâh
50 Gülşen-i cânda hoş yaraşukdur
‘Abher-i lâ ilâhe illallâh
Gerdenüñde kılâde olsa eger
Dürer-i lâ ilâhe illallâh
Ufk-ı cânda gör hûr idi saña
Gurer-i lâ ilâhe illallâh
Sîne-i küfri şerhâ şerhâ ider
Hancer-i lâ ilâhe illallâh
Hakk’a hamd eyle ki kurılmışdur
Minber-i lâ ilâhe illallâh
55 İtdi Fir‘avn-ı nefsi zâr u zebûn
Ejder-i lâ ilâhe illallâh
Çün zuhûr ide açılur göñlüm
Seher-i lâ ilâhe illallâh
Ser-be-ser kâ’inâta hükm eyler
Dâver-i lâ ilâhe illallâh
‘Âleme şâh olursın olduñ ise
Nöker-i lâ ilâhe illallâh
Zer ider kalbini nuhâs olanuñ
Cevher-i lâ ilâhe illallâh
60 Niçe zîbâ defînedür dilde
Mazhar-ı lâ ilâhe illallâh
6
Seni magfûr ider günâhuñdan
Hüner-i lâ ilâhe illallâh
Yaraşur gûş-ı câna ger takasın
Gevher-i lâ ilâhe illallâh
Gel bu bâzâruñ al metâ‘ından
Gafer-i lâ ilâhe illallâh
Oda yakar mecûsuñ eyvânın
Şerer-i lâ ilâhe illallâh
65 Senüñ altûn ider işüñ dâ'im
Zer-ger-i lâ ilâhe illallâh
Beni idindi Ravziyâ çâker
Server-i lâ ilâhe illallah
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
0
0
Yorum Yapmak için Kayıt Olun veya Giriş Yapın