KASÎDE DER-MEDH-İ DEVLET GİRAY
Fâ‘ilâtün Fâ‘ilâtün Fâ‘ilâtün Fâ‘ilün
1 Müjdeler ey dil yine ol hân-ı zî-şândur gelen
Rahne-endâz-ı esâs-ı kâfiristândur gelen
2 Müjdeler ey dil giriftârân-ı derd ü mihnete
Lutf-ı mahz-ı Hakk ile bî-şübhe dermândur gelen
3 Müjde ey dil giryeler oldı mübeddel handeye
Dest-gîr-i cümle-i bî-dest ü giryândur gelen
4 Müjde ey dil ilticâya hâzır olsun hass u ‘âmm
Zıll-ı Hak bir hân-ı ‘âlî-şân-ı devrândur gelen
5 Hayr-hv
âh-ı dîn ü devlet Hazret-i Devlet GirayHata!
Yer işareti tanımlanmamış.
Nûr-ı çeşm-i ‘âlem-efrûz-ı Selîm HânHata! Yer
işareti tanımlanmamış.’dur gelen
6 Yâd-ı tîg-ı bî-dirîg-i hûn-feşânından anuŋ
Dîde-i a‘dâ-yı dîne eşk-rîzândur gelen
7 Düşmenüŋ gelse elinden her ne deŋlü kârzâr
Dest-i kahrından bunuŋ şemşîr-i bürrândur gelen
8 Kasd-ı şeb-hûn eylese ma‘mûre-i hasma eger
Zann ider seyr eyleyen bir seyl-i cûşândur gelen
9 Bulsa sıhhat devr-i lutfında n’ola dil-hasteler
Kim elinden merhem-i cân-bahş-ı ihsândur gelen
10 Çihre-i pâkindeki nûr-ı salâh u ‘adlini
Kim görürse zann ider hurşîd-i rahşândur gelen
11 Hulk-ı pâkinden sabâ bir şemme îSâr eylese
Zann ider ‘âlem şemîm-i bâg-ı Rı#vân’dur gelen
12 Keff-i gevher-pâş-ı a‘tâfı ki kâfidür anuŋ
Hâtıra ne genc ne ma‘den ne hod kândur gelen
13 Hem şecâ‘at hem metânet hem kiyâset müctemi‘
Zât-ı ‘âlîsinde bir kâmil cihânbândur gelen
14 Her kişi ümmîd-i dermân eylemekde derdine
Cümleye nâfi‘ mu‘allâ-rütbe bir hândur gelen
15 ‘Arz-ı hâl eyle yüzüŋ sür hâk-i pây-ı esbine
SÂKIBÂ pîş-i reh-i ümmîde meydândur gelen
16 Bendesün çünki der-i devlet-me’âbında anuŋ
Çekme gam şimden gerü endûha pâyândur gelen
17 Müstedâm-ı ‘ömr ü devlet eylesün anı Hudâ
Kim elinden halka hayr-ı mahz u ihsândur gelen
18 Bârgâh-ı devleti olsun hemîşe ber-karâr
Yanına gamgîn gidüp anuŋ ki şâdândur gelen
………………
……………….
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0