KASÎDE DER-MEDH-İ HASAN PAŞA
15.09.2017
Kaside:
5
KASÎDE DER-MEDH-İ HASAN PAŞA
Fe‘ilâtün Fe‘ilâtün Fe‘ilâtün Fe‘ilün
1 Yine dil bir haber-i şevk ile şâdân oldı
Eyledi def‘-i keder gül gibi handân oldı
2 Yine bir tâze peyâm-ı ferah-efzâ ile dil
Bî-mecâl-i gam iken şevk ile raksân oldı
3 Yine bir müjde ile toldı cihân ser-tâ-ser
Anı gûş itdi gamuŋ ‘aklı perîşân oldı
4 Ne haber feyz-resân hem-çü bahâr-ı tâze
Ki cihân neşve-i şevk ile gülistân oldı
5 Ne haber mürde-dilân-ı eleme virdi hayât
Sîne-rîşân-ı gamuŋ derdine dermân oldı
6 Ne haber ‘âleme âvâze-i şâdî saldı
Ser-be-ser halk-ı cihân nagme-serâyân oldı
7 Var ise müjde-i teşrîfidür ol düstûruŋ
İşidenler anı ser-cümle hamıd-hv
ân oldı
8 Gül-bün-i câh-ı sa‘âdet Semeri tâzeledi
Tehniyet-perveri murgân-ı hoş-elhân oldı
9 Şeref-i makdem-i pâki ile KûtâhiyyeHata! Yer işareti
tanımlanmamış.
Ta‘ne-endâhte-i günbed-i gerdân oldı
10 Âsaf-ı mekrümet-endîşe Hasan PaşaHata! Yer işareti
tanımlanmamış. kim
Güher-i zînet-i ser-silk-i müşîrân oldı
h - M.
3b
‘aklı: cem‘i Ü1.
6b
nagme-serâyân: bülbül-i nâlân Ü2.
121
11 Sâye-güsterde nihâl-i çemen-i devlet kim
Ser-be-ser bergi kerem mîvesi ihsân oldı
12 Şerm ü hacletle hamûş itdi nice deryâyı
Kef-i zer-pâş-ı ‘atâsı ki hurûşân oldı
13 İhtiyâc ile el açdı aŋa yek-ser asdâf
Ebr-i ihsân-ı güher-bârı ki cûşân oldı
14 İntisâb ile kerem buldı hezârân ikrâm
Hidmeti ile sehâ şöhre-i devrân oldı
15 Nazar-ı terbiyeti ile o kân-ı keremüŋ
Pâre-i seng-i siyeh la‘l-i Bedahşân oldı
16 Eyledi emri muhâlâtı sudûra ta‘lîk
Bülbül-i gülşen-i tasvîr serâyân oldı
17 Nice vîrâneleri eyledi ‘adli ma‘mûr
Ehl-i zulmüŋ nice ma‘mûresi vîrân oldı
18 Zulmet-i zulm ü fesâd oldı mübeddel nûra
Neyyir-i ‘adl-i cihân-gîri ki tâbân oldı
19 İncilâ buldı mürâ’î-i kulûb-ı ‘âlem
Cilve-i dest-i ‘atâsı ki nümâyân oldı
20 Kârgerdür o kadar hâssiyet-i hıfzı ki düzd
Rûz u şeb müstetir-i perde-i kitmân oldı
21 Hulk-ı müstahseni te’Sîri ile ‘âlemde
Nâ-sezâ gerdişine çarh peşîmân oldı
22 İtdi sîr-âb nice hâk-nişîn-i ‘aczi
Cur‘a-i kâse-i ikrâmı ki rîzân oldı
23 Keff-i mîzân-ı ‘atâsında dem-i bezl ü niSâr
Sîm ü zer dürr ü güher hâk ile yek-sân oldı
24 Teng-destân-ı hüner-pîşeye vâsi‘ lutfı
Kahrı âteş-fiken-i hırmen-i nâ-dân oldı
25 Sâhibâ dâdverâ sâf-zamîra sadrâ
Ey kudûmüŋle cihân hurrem ü handân oldı
26 Makdem-i pür-şerefüŋ müjde-i cân-bahşı ile
Halk müstagnî-i ser-çeşme-i hayvân oldı
27 Neşve-i müjde-i sad feyz-i kudumüŋle senüŋ
Dil-i pejmürde-çemen ravza-i Rı#vân oldı
28 Lîk ezhâr-ı çemenzâr-ı derûn-ı pür-sûz
Lâle-veş dâg-be-dâg-ı gam-ı hicrân oldı
29 Ya‘nî mehcûr olalı hâk-i der-i lutfuŋdan
Dîde-i zâr gam-ı hecr ile giryân oldı
30 Kanı ol dem ki göŋül lutfuŋ ile hurrem idi
Gam-ı hecrüŋle bu dem cümlesi yalan oldı
………………
……………….
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0
Yorum Yapmak için Kayıt Olun veya Giriş Yapın