Kaside Ey dilber seni cismime can didiler

 

Ey dilber seni cismime can didiler

Gönüller tahtına seni sultan didiler

 

Bu dertlü canların şeksiz tabibi

Seni dil-hasteye derman didiler

 

Senin şanuna geldi ümmü’l-kitap

Budur gökden inen Furkân didiler

 

Kaşun, zülfün, kirpiğin Kadr u Berat

İnansun kâfir, Müselman didiler

 

Yüzin Hak Fatihadur, sidre boyun

Cemalüne arş-ı Rahman didiler

 

Hüsnün cennet imiş hattun melekler

Yanağun ruşe-yi Rıdvan didiler

 

Lebün devranıdur uş geldi devran

Tudagun çeşme-yi hayvan didiler

 

Visalün vasluna irer âşıklar

Mislüni Yusuf-u Kenan didiler

 

Aşkına çevrenür bu çarh-ı felek

Külli şeyi hükmine ferman didiler

 

Ne fettan yay imiş kaşunla gamzen

Muhyiddîn Yasin’e Furkan didiler

 

Durbilmez, Bayram (1998a). Muhyiddin Abdal Divânı, İnceleme- Tenkitli Metin. Fırat Üniversitesi Sosyal Bilimler Enstitüsü Doktora Tezi, Elazığ, 323-324.