KASİDE ( Hiciv) Gerçi gördüñ dünyede vâfir gidi

 

KASİDE

Fâ‘ilâtün/ Fâ‘ilâtün/ Fâ‘ilün

Gerçi gördüñ dünyede vâfir gidi

‘Avretinüñ cevrine sâbir gidi

Lîk hiç kâdılar içre görmedi

Tâciroglı gibi bir kâfir gidi

Şer‘a uymaz zulm ider mü’minlere

‘Örfe mâ’il fâsık u fâcir gidi

45

Katl iderse günde yüz biñ âdemi

Zerre deñlü sanma kim acur gidi

5 Kavli kizb ü dâ'imâ fi‘li nifâk

San‘atında kâmil ü mâhir gidi

Mahkeme içre çıkarup sarıgın

Sagına vü solına yatar gidi

Câhil ile bir tutar ‘âlimleri

Hîç aslâ gözlemez hâtır gidi

Yokdur aslâ aslı fer‘i sözinüñ

Gerçi kim söyler lakır lakır gidi

Her ne kim söylerse gerçekdür diseñ

Bülbül-i gûyâ gibi şakır gidi

10 Mes’elenüñ yirini sorar iseñ eger

Yorutup yüzin gözin kakır gidi

Her ne san‘at var ise bilür geçer

San‘at ile cehl ile kâhır gidi

Kizb alur ‘âlemlere bühtân satar

Çâr-sû-yı fitnede tâcir gidi

‘Ayb u noksânını görmez kendünüñ

Cümle halkuñ ‘aybına nâzır gidi

İrse şeb görmez düşinde gerçegi

Günde biñ kizb itmege kâdir gidi

15 Hem-demi luss kendüsi düzd ortagı

Kıldı altûn adını bakır gidi

Kâdılıkda komadı ‘ırz u vakar

Göt siker dâ'im şakır şakır gidi

Ravziyâ gör n’itdi cevr ü zulm aña

Sıçdı ortaya patır patır gidi

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009