KASÎDE-İ BAHÂRİYYÂT
17.06.2017
KASÎDE-İ BAHÂRİYYÂT
Seherde çünki bulut yir yüzine saçdı gül-âb (X/1)
Sabâ yili yañagından gülüñ götürdi nikâb
31
Gülüñ dibinde maâşirleri görüp bülbül (X/2)
Ohudı sûz-ıla “tûbâ lehüm ve hüsnü me’âb”
c
Arûs-ı bâg meger cilve idiser ki bu gün (X/3)
Abîr dökdi hevâ vü harîr geydi türâb
Ne dürlü gevher ü ne sîm ü zer çıharur gök (X/4)
Yirüñ hazâyin açup Müfettihü’l-Ebvâb
Gülüñ yüzinde görüp şeb-nemi acebleyü dir (X/5)
Bu şemde nice hoş cem olmış âteş ü âb
Menâbirinde gülüñ uş hatîb olup bülbül (X/6)
İşit ne nagmeler ile seherde itdi hitâb
Virür nebâta hayât esdügince bâd-ı sabâ (X/7)
Olur mübeşşir-i rahmet belürdügince sehâb
Bu rahmetüñ eserinden tolu-durur yir ü gök (X/8)
Nidâ-yı “fatebirû’ minhü yâ ûlü’l-elbâb”
Bu kuşlara niredendür bu dürlü dürlü nüvâ (X/9)
Bu güllere niredendür bu renk renk siyâb
Meger ki nergise lâle-piyale sundı gice (X/10)
Ki subh-dem gözi toptoludur humarıla hwâb
Ne iñledi gül ü ne rengi döndi kirm düşüp (X/11)
Tenine eyle ki Eyyûb “innehü evvâb”
İy yâr gel varalum bâga ki oldı agaçlaruñ (X/12)
Libâsı atlas u tâcı akîk u dürri hoş-âb
32
Cemâlüñüñ düşer olursa aksi gül-zâra (X/13)
c
Aceb degül eriyüben hayâdan olsa gül-âb
Husûmeti ne-durur cân u akl-ıla Yâ-Rab (X/14)
Bu câœû gözlerüñüñ “iz tesevverü’l-mihrâb”
Çemende celve iderken işidüben lâle (X/15)
Cemâlüñ âyetini “harre râkian ve enâb”
Tapuña irmege yohdur bizüm bidâatümüz (X/16)
Meger ki bir sebeb ide Müsebbibü’l-Esbâb
Gümân iden ki fasâhetde Ahmedî’ye ire (X/17)
Meselde oldı umîœi “bikîcatin keserâb”
https://ekitap.kulturturizm.gov.tr/Eklenti/10591,ahmedidivaniyasarakdoganpdf.pdf?0
