KASÎDE-İ BAHÂRİYYE
16.09.2017KASÎDE-İ BAHÂRİYYE-İ BÎ-HEM-TÂ VÜ DİL-GÜŞÂ DER-VASF-I ÇETECİ ‛ABDU’LLÂH PAŞA* 137
mefâ‛îlün mefâ‛îlün mefâ‛îlün mefâ‛îlün
1 Bahâr oldu hevâlar mâye-bahş-ı nutk-ı cân oldu
Yine minkâr-ı kilkim tûti-i şîrîn-zebân oldu
2 Yine vassâf-ı berg ü bûy u cûy u bâg u râg oldum
Yine meclis Bahâristân-ı Câmî’den nişân oldu
3 Yine feyz-i bahâr-âşûb cünbiş saldı murgâna
Yine kaknûs-ı hâmem cilveden âteş-feşân oldu
4 Yine bir nakş atıp nessâc-ı kudret destgâhında 138
Ben aldım örnegin evrâka reşk-i gülsitân oldu
5 Yine bu nesc-i nev-tarhımla kâlâ-yı bahâriyyem
Tarâvet verdi rûh-ı Gülşenî’ye armagan oldu
6 Yine âvâz-ı ra‛d-ı nev-bahârı eyleyip i‛lâm
Şitâyı tarda yırlıg-âver-i ceng-âverân oldu
7 Edip Harezm-şâh şâh-ı gül-i mî‛âdımı nev-rûz139
Mesâf-ı berd-i serde sû-be-sû emri revân oldu
8 Sabâ çil para saçdı gülşene ezhâr-ı bâdâmı
Hevâ gûyâ mevâcib-dâde-i Bektâşiyân oldu
9 Habâb-ı cûydan darb etdi yer yer kubbe çâderler
Fezâ-yı gülsitân ordugeh-i sâhib-kırân oldu
10 Sürûş-ı gaybdan imdâd-ı feth ümmîdine bülbül
Olup mahfel-nişîn-i şâh-ı gül fethiyye-hân oldu
……….
16 Felek der-kâr edip kavs-i kuzahla tîr-i bârânı
Şep-â-şâb-ı sihâm-ı cünd-i kudret rây-gan oldu
17 Tegerg üsrüb saçıp yagmur misâli yel tüfenginden 142
Nihâl ü berg-i sûsen şâhir-i seyf ü sinân oldu
18 Süyûl-i tîz-rev yürişle aldı deşt ü hâmûnu
Şitânıñ cünd-i tündü cümle bî-nâm u nişân oldu
19 Bi-hamdi’llâh ye’cüc-i hatardan kalmadı mihnet
Hevâlar dil-güşâ dag üstü bâg u bïstân oldu
20 Açıl mecmû‛a-i yârân ile tarf-ı çemenzâra 143
Lebîbâ bir gazel tarh et ki nazmıñ kût-ı cân oldu
21 Ayaklandırmadı dil-hastesin hayli zamân oldu 144
Ki sâkî bezme ol bî-rahm ü ol nâ-mihrbân oldu
22 Lebi gonçeyle rûyu verd-i terle kıldı bahs ammâ145
Benim de ebr-i nîsân ile dîdem imtihân oldu
23 Nihâlân üzre “tecrî tahtiha’l-enhâr” okur bülbül*
Sarîh-i nass ile gülzâr-ı firdevs-i cinân oldu
……………
26 Boyatdı reng-i nîlûferle sûfî tarf-ı destârın
Bahâra tâzeden âvîze-bend-i taylesân oldu 147
27 ‛Acem kûçeklerin ‛uşşâk-ı çenberden geçirdi hep
Bu devri sûfiyânıñ devr-i bezm-i Isfahân oldu
28 Bahâr-ı tab‛a bu feyz-i letâfet gelmege bâ‛is
Nesîm-i ragbetiyle ol vezîr-i kârdân oldu
29 Çemen-pîrây-ı ‛adl ü dâd-ı ‛Abdu’llâh Paşa kim
‛İmâretgâh-ı hükmü gülşen-i emn ü amân oldu
30 Vezîr-i bî-mu‛âdil Kahraman-dil âsaf-ı kâmil
Ki hem bezminde hem rezminde yek-tâ-yı zamân oldu
31 Müşîr-i şîr-savlet âsumân-rif’at kader-kudret
Guyûr-ı mülk ü millet dest-gîr-i ‛âcizân oldu
32 Dilîr-i ma‛deletger merhamet-güster ki zâtında
Dil-âver mu‛teber saf-der hünerver nüktedân oldu
33 Mekârîm-pîşe hayr-endîşe dırgâm-ı vegâ-pîşe
Dil-i melhûf-ı pür-teşvîşe emniyyet-resân oldu
34 Diyâr-ı Bekr’e peygâm-ı kudûmiyle sefeh-kârân
Pey-ender-pey der-i “eyne’l-mefer”den hep devân oldu148
35 Bürûk-ı satveti hâsıyyet-i meh-tâba mâlikdir 149
Ki her seg-tînetân-ı şehr o pertevden remân oldu
36 O vahşetgâhlar k’olmuşdu reh-zenler kemîngâhı
Harîm-i mescidâsâ cây-ı emn-i zâhidân oldu
37 O meclisler ki cây-ı na‛ra-i mestân idi evvel
Bu günler yâ sadâ-perdâz-ı kâmet yâ ezân oldu
……………..
46 Baña bu tavr-ı cevri tâbıñı çarh-ı sitemkârıñ
Dahi çekmez mi el zahm-i dilimden hûn-çegân oldu
47 Yeter geh seng-i ifk ü geh hased gâhî nifâk ile
Zücâc-ı hâtırım kesr eyleyip âfet-resân oldu
48 Biraz kef etse dest-i dil-hırâşı istitâbıñla152
Ne var her kes dem-i lutfuñda mahbûb-ı cenân oldu
49 Şemâtetden sıyânet kıl Lebîb-i zârı sultânım
Amân ta‛n etmesinler kim tasavvurdan ziyân oldu
50 Beni elbette makzıyyü’l-merâm eylersin ammâ kim
Zuhûru lâ-cerem merhûn-ı evkât u zamân oldu
51 Yeter miftâh-ı nazmı ey hatîb-i hâme telhîs et
Ma‛ânîzâr-ı nutkuñ geh bedî‛ ü geh beyân oldu
52 Hudâ gülşen-serây-ı devlet-i destûr-ı vâlâyı
Hemîşe nev-bahâr etmek baña vird-i zebân oldu
53 Zülâl-i mekrümet bâg-ı dilinde selsebîl olsun
Nihâl-i lutfu zîrâ her kese her dem cevân oldu
54 Hemân ahbâbını handân ede a‛dâsını giryân
Denildikce bu ‛âlemde bahâr oldu hazân oldu
Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 567
0
0
Yorum Yapmak için Kayıt Olun veya Giriş Yapın