KASÎDE-İ TEMMÛZİYYE
16.09.20177
KASÎDE-İ TEMMÛZİYYE-İ DİL-SÛZ BERÂY-I VÂLÎ-İ BAGDÂD AHMED PAŞA*153
fe‛ilâtün fe‛ilâtün fe‛ilâtün fe‛ilün
1 Bir seher kim erişip destime dâmân-ı şu‛ûr
Gördüm almış durur etrâfımı esbâb-ı sürûr
2 Dilde bir şevk u tarab sînede bir şûr u şegab
Harf-i hâhiş be-leb ü kalb-i ehibbâda huzûr
3 Bir yaña yâr-ı vefâ bir yaña yârân-ı safâ
Bir yaña savt u nevâ bir yaña çeng ü tanbûr
4 Bir yaña şâhid-i mey bir yaña âvâze-i ney154
Bir yaña şîve-i pey-der-pey-i çeşm-i mahmûr
5 Dedim âyâ bu ‛aceb düş mü hayâlât mıdır
Hârık-ı ‛âde neden etdi bu hâlât zuhûr
6 Birisin mu‛rız edip harf-i hitâba fi’l-hâl
Dedim ey düşmen-i endûh u gam olsun ma‛zûr
7 Hayr-makdem ne gelişdir bu ne zahmet ne ‛aceb
Kandasız kanda bu gam-hâne-i teng ü deycûr
8 ‛Acebâ ‛îd mıdır sûr mu şehr-âyîn mi
Bende yok gerçi kim âlâmdan eyyâma şu‛ûr155
9 Söyle bi’llâh nedir böyle muvâfık hareket
Çarhdan ‛ömrümüz oldukça degildi manzûr
…………
17 Verdi ifrât-ı harâretle bu rûz-ı bâhûr159160
Âteş-i hüsn-i cihân-sûz-ı dil-ârâya fetûr
18 Dökme zülf-i siyehiñ gerden-i kâfûr üzre
Âh efendim bu hevâlarda giyilmez semmûr
19 Gâlibâ yandı miyânındaki fark-ı vâzıh
Ki temâyüzde degil birbirine nâr ile nûr
20 Sîne sahrâsına gûyâ ki eser bâd-ı semûm
Sîneye tarf-ı kelûdan ki nefes ede mürûr
21 Mihr ü mâh ahker-i sûzende olup eylediler161
Bu ne ecrâm-ı esîriyyeyi nefsîde tenûr
22 Gözü âteşli tulû‛ etmede çün pertev-i sûz
Mihre kim kevkeb-i dürrî denilirdi meşhur
………..
29 Bâreka’llâh zihî şöhret ü nâmûs u vakâr
Eyyeda’llâh zihî kevkebe-i nâbe-kusûr
30 Görmedik mislini eslâf tevârîhinde
Gelmemişdir dahi gelmez de be-kavl-i cumhûr
31 Ki zuhûr etdi edelden beri zikr ü fikri
Tard-ı a‛dâ ile te’mîn-i verâ sedd-i sügûr
32 Kâr her kandaki düşvâr ola elbet kılınır
Dest-i tedbîrine teslîm-i makâlîdir ‘umûr
33 Zihn-i vakkâdı müfessir olıcak eşyâya
Nez‛ eder kisve-i eşkâli müzâyâ-yı ‘umûr
34 Necm-i ikbâli ziyâ-bahş-ı gülistân olsa
Şu‛le-pûş eyler idi nahlini çün nahle-i Tûr
35 Kuvvet-i baht-ı cihân-gîrini yâd etse eger
Kâfdan cebr ile ‛ankâyı atar bir asfûr
36 Eylese nehyi ta‛alluk edevât-ı lehve164
Rişte-i sübha olur zâhide târ-ı tanbûr
………
41 Degse bir kimseye şast üzre cirîdi bir gün
Vârise müjde gider kim yine olduñ mesrûr
42 Savlet-i ceng-i felek-sûzuna nisbetle olur
Ceng-i şüc‛ân ‛Arab-ı mel‛abe-i mudhik-i sûr
43 Vasfa hod cûd u ‛atâyâsına hâcet yokdur
44 Ki zer-efşâni-i hurşîd degildir mestûr
44 Hâl-i icmâli bu kim mazhar-ı ihsânı olur167
Kîmyâgerlik ile halkıñ içinde meşhûr
45 Gâlibâ seyr eden âlâ-yı mülûkânesini168
Dehşet etmez biraz âsûde yevm-i nüşûr
46 Böyle dârât u haşem yazmadılar eslâfa
İşte şeh-nâme ile Hâtifi yâ şeh Tîmûr169
47 Zîn olan sîm-siper-i eşheb-i pür-zûrunda170
Bedr-i mehdir ki eder burc-ı esed üzre zuhûr
48 Bir taraf tâbiş-i yalman-ı rimâh-ı ser-tîz171
Bir taraf lem‛a-i rahşîden-i seyf ü sâtûr
49 Pîşgâhında keşîde olunur haşmet ile
Kûh peykerli esed na‛ralı çendân sütür
………….
59 Niçe kâbil ki şümâr oluna hüsniyyâtıñ
Etdigiñ hidmet-i mebrûre degildir mahsûr
60 Niçe vasf ede perîşâni-i hâtırla seni
‛Abd-i dâ‛î-i sitem-dîde Lebîb-i mehcûr
61 Hakkıñ ibkâ edemez hâme-i şi‛r ü inşâ
Olsa tomar eger evsâfıñ içün sâl ü şuhûr
62 Enseb oldur ki du‛â birle verip hüsn-i hitâm
Etmeye tûl-i sühan tab‛-ı şerîfiñ rencûr
63 Mansıbıñ eyleye meymûn u mübârek Mevlâ173
Hâne-i ‛ömrünü müstahkem-esâs u ma‛mûr
64 Sen hemân ‛ızz ü ‛inâyetle ser-efrâz olasın
Pertev-i haşmetiñ a‛dâlarını eyleye kûr
65 Hem-rikâb eyleye tevfîkini Allâh saña
Ola her hâlde her kârda sa‛yiñ meşkûr
Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 567
0
1
Yorum Yapmak için Kayıt Olun veya Giriş Yapın