M ; NaǾt-ı Şerįf-i Leŧāfet-i Rumūz Berāy-ı Resūl-i Hidāyet-Efrūz Ĥayretį (105b-106b) L ;

DernaǾt-ı Seyyid-i Kāǿinat ǾAleyhi Efdali'ś-Śalavât ve Ekmelü'n-Necât Hayretî Dîvânı

 

MefǾūlü / FāǾilātü / MefāǾįlü / FāǾilün

 

1. Ey pādşāh-ı her dü serā şāh-ı enbiyā

V’ey hādi-yi Hüdā vü şehinşāh-ı aśfiyā

2. Ser-rişte-yi mürüvvet ü serçeşme-yi kerem

Ser-defter-i nübüvvet ü serĥalķa-yı śafā

3. Sensin dü kevne şāh [u] şehinşāh-ı ser-firāz

Ey enbiyāye server ü ser-ħayl-ı evliyā

4. Ey pįşvā-yı ehl-i hidāyet ŧapuñdurur

Şāh-ı zemįn ü māh-ı felek ħˇāce-yi danā

 [14a] 5. Yaķduñ çerāġ-ı şerǾüñi ķılduñ cihānı nūr

Olduñ ķamuya rehber-i reh-bįn ü reh-nümā

6. ǾĀlem cerįdesinde miŝālini ĥüsnüñüñ

Yazmadı naķş-bend-i eźel bir daħı şehā

içinde yazılu lāmını ķıldı dāl

Şol iki zülfüñe senüñ ey Hādi-yi Hüdā

8. Yüzüñ çerāġı ile cebįnüñdurur delįl

Ey nūr-ı pāk-ı sūre-yi ve’ş-Şems ü ve’đ-Đuĥā

9. Āħir zamāne nām-ı şerįfüñ virür şeref

Nāmuñ yazıldı ķudret eli ile serverā

10. Sende śıġar şehā niçe biñ baĥr-ı bįkenār

Dürr-i yetįm dirler egerçi ķamu saña

11. Her kim ki lā didi dimedi şerǾüñe belį

Başından eksük olmasa bir dem n’ola belā

12. Tįġ-i muĥabbetiñe düşüp şol ki cān virür

İçer ĥayāt-ı ābını cānı bulur śafā

13. Sen Muśŧafāya şol ķadar oldı muĥabbetüm

Cānım sever kimüñ ki ola adı Muśŧafā

14. Gümrāh oldı azdı ŧarįķ-i ĥaķįķati

Her kim ki Çār yārıña ya saña didi lā

15. Śıddįkdur biri ki saña yār-ı ġār olup

Śoñuñda oldı rāfiǾ-i dįn dāfiǾ-i belā

16. Fārūķdur birisi daħı Ǿadl u dād idüp

ŞerǾüñle virdi rūy-ı cihāna fer ü behā

17. ǾOŝmān ki Ǿilm ü ĥilm ile zeyn eyleyüp özin

Bir şāh idi ki anuñ idi milket-i ĥayā

18. Deryā-yı Ǿilm biri ǾAliyy-i Velį idi

19. Āb-ı şefāǾatile [yu] yüzüm ķaralarını

Bu dört ulu śaĥābe yüzi śuyına şehā

20. Yüzim ķaraların yuyamaz gözlerim yaşı

Daġlar ķadar günāha ne ķılsun bu deñlü mā

21. Geldüm ķapuña Ĥayretįyem ĥālim aġlayup

Kūyuñ gedāsıyım ķamu maǾlūm macera

 

 

Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012