KASİDE Zâtîce cünüb boklı bodur tuhfe tuluksun

KASİDE

Mef‘ûlü/ Mefâ‘îlü/ Mefâ‘îlü/ Fe‘ûlün

Zâtîce cünüb boklı bodur tuhfe tuluksun

Ahvel keçi şaşı bi-nevâ egrice boksun

Künhüñle seni bilmediler sanma sakın hâ

Bu şekl ü kıyâfetle sen Erdek’de de yoksun

Şatrenc ile nerd oynamadur san‘at u pîşeñ

Nûrâni degül anuñiçün böyle tonuksun

Fısk ile fücûr ile cihân içini tutduñ

Mey-hânede sen ‘âkif ü mescidde konuksun

5 Sogan u pırasayla sarımsak yiyegeldüñ

Bustâna yaraşurca öp oñatca oyuksun

Yokdur künüñi tutmak agac ile imkân

Bir ebter ü câhilsün ü bir içi kovuksun

İnsân ile alışmaz ise n’ola mizâcuñ

Karlık kuyusı kış gicesi gibi sovuksun

Agardı sakaluñ dahı oglanlıg idersin

Turılmaduñ uslanmaduñ aslâ bulanuksun

Ellerde vü dillerdesin ey ahvel şaşı

Nâmiyle geñezler kedisi cimri yoluksun

44

10 Evşânı gelenler suyı senden akıdur hep

Ey yesteh-i bârân-zede bir eski oluksun

Taşlıkda taşak yimek ile kalmadı ‘akluñ

Gez turma yabanlarda yılanlar seni soksun

Bokı yogın ad olsa saña gam yime kim sen

Âb-hâneye düşmüşce ip incecik çubuksun

Kimse saña kuşum dimez illâ ki begüm sen

Toykar kuşı ya çinti kuşısın ya çuluksun

Eyyâm-ı şitâda dilerin nite ki ejder

Tez günde seni gerdiş-i gerdân yire soksun

15 Birkaç geñeze eyledi devrân seni yârân

Şehvetlerini gerçi ki hîç silmez oluksun

Gören seni hazz eylemedi bâg-ı dehrde

Ekl itmege nâ-kâbil u nâ-puhte koruksun

Dümdüzce degül sende olan vaz‘ u nümâyiş

Ve’l-hâsılı gâyetde nihâyetde buruksun

Safrañı bulandurdı benüm hicv-i melîhüm

Acıkmadıguñ ‘ayb degüldür dahı toksun

Biz gözüñe görinmez isek n’eyleyelüm yâ

Sen şol hedef-i derd-i gama atılur oksun

20 ‘Âlemde lakab saña horos oldı velîkin

Zâhirde hemân bir suya düşmişce tavuksun

Azına vü çogına nazar eyleme anuñ

Ravzî saña az ise eger sen aña çoksun E

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009