1. Kaşlaruñ tugrâsı cânâ âfitâb üstindedür

 Şekl-i bismillâha beñzer kim kitâb üstindedür

2. Âfitâb-ı ‘âlem-ârâ gördügince ruhlaruñ

 Zerre-veş ditrer felek üzre hicâb üstindedür

3. Dâglar yakdum ruhuñ şevkiyle dilde lâle-vâr

 Ol sebebdendür ki kalbüm ıztırâb üstindedür

4. ‘Âkil iseñ ‘âlemüñ nakşın görüp meyl eyleme

 Köhne bir virânedür bünyâdı âb üstindedür

5. Tutalum kim ser-be-ser sultân-ı ‘âlemsin bu gün

 Ey Figânî menzilüñ âhir türâb üstindedür

 

(Karahan, 1966)