Kasr-ı kâmı ne vezîr ü ne şehenşâh yapar

Gazel

[63]

 [fe’ilâtün / fe’ilâtün / fe’ilâtün / fe’ilün]

 1 Kasr-ı kâmı ne vezîr ü ne şehenşâh yapar

 Anı muhkemce yaparsa yine Allâh yapar

 2 Gösterir resm-i binâ sanki felek mi’mârı

 Dil-i vîrânemizi gâh yıkar gâh yapar

 3 Ser-i kâra geleniñ ‘aybı merâmet olunup

 Kesr ü noksânlarını debdebe-i câh yapar

 4 Cûşiş-i eşk-i firâvânımı bî-câ sanma

 Kûy-ı yâra giderek seyl gibi râh yapar

5 Vehbiyâ hâne-hârâb-i sitem olduñsa ne gam

 Kimseniñ yapmadıgı işleri bir âh yapar

Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012

  Sünbülzade Vehbi Hayatı