Katre katre dürr içinde ebrû-yı ‘anber-feşân

 

Fâ‘ilâtün Fâ‘ilâtün Fâ‘ilâtün Fâ‘ilün(1)

 

1. Katre katre dürr içinde ebrû-yı ‘anber-feşân

 Çevre almışdur hilâli encüm-i seyyâre san

 

2. ‘Işkuñı fâş itmedüm nâr-ı şafakla kızdurup

 Tâs-ı çarhı başuma geydürdi cellâd-ı zamân

 

3. Gabgabuñ çâhı degül bennâ-yı kudret eylemiş

 Kasr-ı hüsnüñ kûşesinde murg-ı câna âşiyân

 

4. hayrete varmış görüp kaddüñ nihâlin serv-i bâg

 Öldi diyü kuşlar eyler başı ucında figân

 

5. Ay başında mâh-ı nev sanma görinen Emriyâ

 Tâlib-i dünyâya barmak gösterür devr-i cihân

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427