Kaydını zülfüñ ider göñül taleb

 

Kaydını zülfüñ ider göñül taleb

N’iredendür aña bu sevdâ aceb

 

Alnuña ay dir-isem olmaz revâ

Yüzüne gün dir-isem düşmez edeb

 

Mûsî icâzın kılur vâzıh bu zülf

Îsî enfâsın ider zâhir bu leb

 

Yüzüñe kim cân u dil hayrânıdur

Ne diyeyim cüz kemâl-ı sun-ı Rab

 

Gözlerüñ ışkından esrimişdi cân

Dürimedin bâg u bitmedin ineb

 

Mihnet itdügüñ bu hasta cânuma 

Sini sevmişem hemîn budur sebeb

 

N’ola göñlüñ Rûmı yıhılsa Ahmedî

Çün yıhıldı Şâm u Bagdâd u Haleb

 

Dr. Yaşar AKDOĞAN, Ahmedî DÎVÂN, KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ