Gazel
8
Müfte`ilün fâ`ilün müfte`ilün fâ`ilün
1 Kays-ı melâmet-güzîn râh-nümûndur bana
Meslek-i ehl-i hıred râh-ı cünûndur bana
2 Bezmde dil-ber yakar sîne-i agyâre dâg
Bilmez anun her biri dâg-ı derûndur bana
3 Şem`üne pervâneveş bâl ü perüm yandı çün
Lâzım olan bir zamân sabr u sükûndur bana
4 Sanma cefâlarla ben fârig olam `aşkdan
Her biri bir şîve-i şevk-füzûndur bana
5 Şeb ki ala zülfinün bûyını Yahyâ meşâm
Ol gîce bir kâkül-i gâliye-gûndur bana
Hasan KAVRUK, ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/