37-

Mef`ûlü Mefâ`îlü Mefâ`îlü Fa`ûlün

 

1 Kendümde sanurdum var imiş kuvvet ü şevket

 Meydân-ı belâya getürüp basdı kasâvet

2 Ta`n eylemeñ ol yârı seversem nazar eyleñ

 Ol çeşm ü ol ebrû nedür ey ehl-i basîret

3 Soñ demde görürsem yüzin ol şâhid-i cânuñ

 Ben mürde-i `aşka yeter ol deñlü şehâdet

4 İki gözümüñ şîşesi kumlarla pür olsun

 Ger kuhl-ı gubâr-ı derüñ irmezse bu sâ`at

5 Cân virmededür derdüñle haste Ziyâ’î

 Ey gözleri bîmâr cihânda saña sıhhat

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ