Kevserün aynı lebün câm-ı şarâbından mıdur
Sûre-i Rahmân ruhun harf-i kitâbından mıdur
Turra-i anber-feşân zülfün nesîmi âlemi
Ser-be-ser kıldı muattar müşk-nâbından mıdur
Cennetün bâgında sidre şol kad ü bâlâ mıdur
Âfitâb-ı lem-yezel ol hüsn-i tâbından mıdur
Habbetü’s-sevdâ mıdur yâ dâne-i hâl-i ruhun
Fitnelü aynun mıdur yâ fitne hâbından mıdur
5. Âb-ı hayvân çeşme-i la‘lünden ister Hızra cân
Mest-i ışkun bâdesi ol aynun âbından mıdur
Lâlenün kalbinde dâg ez-âh dil-i şeydâ mıdur
Kevserün câmında mı vaslun şarâbından mıdur
Gönlümün deycûrı ol anber-feşân zülfün midür
Aynumun nûrı cemâlün âfitâbından mıdur
Tökdi bağrum kanın ol nâz u itâbî gamzeler
Haşr u neşr ol işvenün nâz u itâbından mıdur
Vâcib olmuşdur Hakîkî secde kılmağ vechüne
V‘abidu’llah vechehu vechün hitâbından mıdur
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368