Kıldı Bağdâd’a sefer ol şeh tutar il yâs aña

Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Kıldı Bağdâd’a sefer ol şeh tutar il yâs aña

Kâfile-sâlârı olsun Hızr ile İlyâs aña

Kanda ‘azm itse Ebû İshâk sancakdâr olup

Leşker-i pür-şevket olsun cümle hayrü’n-nâs ana

Şâh-ı mülk-i hüsn olan gözler ra‘iyyet hâlini

Eylemezse seg rakîb iblîsveş vesvâs aña

Dâ’imâ ‘uşşâkına cevr eylemezdi ol sanem

Fitne ta‘lîm itmese ol Ermeni pâpâs ana

Gördi agyâr öldügin Ravzî yine mâtemdedür

Hey niçe mâtem dügün bayramdur ol yâs aña

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009