04.04.2016
Gazel
[48]
[fe’ilâtün / fe’ilâtün / fe’ilâtün / fe’ilün]
1 Kilk-i kudret hat-ı reyhânıñı nâ-gâh yazar
Safha-i sîneme medd-i elif-i âh yazar
2 Vasf-ı rûyuñda gazeller yazan ehl-i sühanıñ
Matla’ında kimi hurşîd kimi mâh yazar
3 Görse bu sûret ile münşî-i Şehnâme seni
Mülket-i ‘işvede hûbâna şehenşâh yazar
4 İkisin etse de bir yerde musavvir tahrîr
Serv-i bâlâyı kadiñden yine kûtâh yazar
5 Levh-i mihr ü kamere İbn-i Nüceym-i gerdûn
Kalem-i gırre ile rûyuña Eşbâh yazar
6 Hem-ser-i şîr yazıp ‘aşkı Hayâtü’l-hayvân
‘Akl-ı pür-hîleyi dünbâle-i rûbâh yazar
7 Okudum metn-i usûl-i kütüb-i devletde
Kayd-ı haysiyyet-i cehli sebeb-i câh yazar
8 Sînedir kâgıd-ı tesvîdi debîr-i çarhıñ
Anda nakş-ı emeli gâh bozar gâh yazar
9 Kâtib-i mahkeme-i hükm-i kazâ ey Vehbî
Kısmetim sehmini er-rızku ‘ala’llâhcxxi yazar
0
0
Yorum Yapmak için Kayıt Olun veya Giriş Yapın