GÖNÜL REDİFLİ GAZEL
Kim dir ki sana her gama âmâde ol gönül
Nâziyle niçe gussadan âzâde ol gönül
Seyr eyle nakş-ı ‘âlemi olma firifte
Mir’ât-ı âfitâb gibi sâde ol gönül
Yitmez mi sana hûn-ı ciger çün habâb-ı mey
Ne dîde-dûz-ı sâgar u ne bâde ol gönül
Reşk eylesün safâna hümâ belki kudsiyân
Bir dâm-ı zülfe şevk ile üftâde ol gönül
Bîhûde gezme hem çü Neşâtî cünûnı ko
N’eylersen eyle kûy-ı dil-ârâda ol gönül