Aygün Sadiq

7 years ago

Bildir

ŞƏHİD ATASINA (Günlərdir ürəkləri parçalayan həmin o şəkilə xitabən) Canının parçası getdi ömürlük Susqun ürəyinə dünya dar gəlir. Ata! Dillənsənə! Desənə "bu yük Mənim qollarıma çox ağır gəlir ". Sənə necə deyim "başın sağ olsun"? Başı sağ olmağın nə mənası var? "Nəvələr böyüsün, min budaq olsun".... Səni ovudar mı bu cür arzular? Məzar aldığını verməmiş geri, Torpağı acıla, nə faydası var? Yaxşısı budur ki, ötən illəri Saxla xatirində, təsəllin olar. Aylardır intizar çəkən ürəyin Ömürlük ayrılıq mükafatı var. Dünyanı verələr, ta nə gərəyin? Əriməz qəlbinə yazılmış qübar. Torpaq! Acgözlüyün yetər! Bir usan ! Qoynuna bir dünya arzu gömülür ! Hər dəfə sən şəhid qucaqlayırsan- Bu yanda o sayda Atalar ölür! Hər tabut bir dünya arzunun sonu, Bir qucaq xəyalın qətl olmasıdı. Ölən şəhid deyil, unutma bunu, Hər şəhid xəbəri- ata yasıdı. Kasıb ataların budur qisməti, Taleyin qələmi kədərdən yazar. Məmurun övladı ölməzmiş qəti, Hər dəfə kasıba qazılır məzar. Ürəyi acıyır doğmanın, yadın, Çətindir barışmaq acı həyatla, Gənc ikən dünyadan gedən övladın Yerinə bir bayraq verək, rahatlan... Ömrünün çırağı söndü büsbütün, Üzgün baxışların ürək göynədir. Deyin, viran qəlbi ovutmaq üçün Şəhid atasına təsəlli nədir? Hələ harasıdır? Bir gün məzarı Uçub dağılanda canın yanacaq. Onun oğurlanmış gələcəyini Onun qoruduğu məmur danacaq. Ala bu bayrağı, sus, günüqara ! Söylə mikrofona "Vətən sağ olsun ". Vətənin qatili- saxtakarlara Bircə, ataları tovlamaq olsun ! Atalar qürurdan ağlamır axı, Qəlbinin naləsi səssiz ucalır. Ömründə- əbədi bir övlad dağı, Əlində- qatlanmış bir bayraq qalır... Aygun Sadiq