Kıt'alar-rubâiler
Bu gece kim leyle-i mi'râc'dır
Zevk-ı vasla kulların muhtâcdır
Fazlın ile aradan gitsin hicâb
Hûb cemâlin görelim ref' et nikâb
…….
Ente Rabbî ente Hayrü'n-Nâsirîn
İki âlemde kerem senden hemîn
Ente Rabbî ente Fettâh ü Kerîm
Ente Hayyî ente Kayyûm ü Kadîm
…..
Niyâzın dâ’imâ Allah'a eyle
Uyan gafletden ey gâfil gözün aç
Çün olur melce-i erbâb-ı hâcât
Olupdur hâs ü âmm ol bâba muhtâc
……..
Ey kerem kânı hudâvend-i Alîm
Kullara lutf ile ihsân et meded
Hâliku'1-kül Hâdî-i Dâr-ı Na'îm
Yolların fazlınla âsân et meded
……..
Ey kerem kânı ibâdın dâ’imâ işi kusûr
N'ola ger fazlın ile sen rahmet etsen yâ Gafûr
Fazlına ihsânına mevkûfdur cümle umûr
Dâ’imâ işi ibâdın zillet-i cürm ü kusûr
………..
Gerçi nefse güç gelir dünyâdan ayrılmak kişi
Lîk merzât-ı İlâhiyye gözetmek hûbdur
Nice bin yıllar otursa âkibet eyler sefer
Lîk merzât-ı ilâhiyye gözetmek hûbdur
……….
Râh-ı hidâyetden sapıp
Çâh-ı dalâle düşme kim
Serrâda vü darrâda Hak
Her hâline âgâhdır
……..
Günler gelip geçmekdedir
Kuşlar gibi uçmakdadır
Ehl-i fesâdın yeri nâr
Ehl-i salâh uçmakdadır
……….
Kış günleri zahmetlidir
Yaz günleri ni'metlidir
Rahmânımız rahmetlidir
Kullarına ihsân eder
…………
Şeştâ vü çeng ü tanbûr
Hak'dan seni eder dûr
Uyup hevâ-yı nefse
Dünyâya olma mağrûr
Aygün Sadiq
7 years ago