KOŞMA: Tutasın cihânı Sikender gib

 

 

KOŞMA: 

Tutasın cihânı Sikender gibi

Şevket ile dünyâ dola hünkârım

Kapına Ferîdun bir çâker gibi

Her ne emredersen n'ola hünkârım

 

Cihânda lutfunla anıldı adım

Senin ihsânınla dâ'imâ şâdım

Kapında kullukdur ancak murâdım

Almam bu cihânı pula hünkârım

 

Râm edüp dünyâyı emrine Hudâ

Hem-vâre süresin zevk ile safâ

Hor u hakîr olup düşmen dâ'imâ

İzz ü şânın efzûn ola hünkârım

 

Dâimâ devletin ber-karâr olup

Her zamân müsâ‘id rûzgâr olup

Gülşenin hemîşe nev-bahâr olup

Türlü türlü ziynet bula hünkârım

 

Ber-karâr olasın izz ü devletle

Nedîmâ kulundur istikâmetle

Efendisin dâimâ sıdk-ı niyyetle

Medh eylemek düşer kula hünkârım

 

Prof. Dr Muhsin Macit, Nedim Divanı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ, KÜLTÜR ESERLERİ 511

 

 Nedim Hayatı ve Edebi Kişiliği