Nedir bu rakabe-i gerden-şiken ki her yerde
Eder tahakküm a'sârı dembedem tecdîd ?..
Niçin bu dîde-i idrâki habs eden perde,
Ziyâ-yı feyzini müstakbelin eder tehdıd?..
Yıkıldı Endülüs.. Eyvâlı unutmadık hâlâ!..
-Bana gelir ki o bizden umar bugün imdâd-
Döver ufuklarını bin sadâ-yı vâveylâ,
Geçen mezâlimi eyler harâbeler tadâd..
Penah-ı zulm ve tağallüb kesilse de dünyâ,
Beşer musahharın olmaz yine ey ispanya,
Felâketi Küba'nın celb eder felâketini,
Seni harâb edecektir bu ye's-i azm-efzâ.
Eğer ümid ediyorsan bekâ-yı şevketini,
Bütün ümitler etsin seninle istihzâ!.