Kûhken yâ Kays-ı deşt ol k'olasın nahçîr-i aşk
07.07.2016Kûhken yâ Kays-ı deşt ol k'olasın nahçîr-i aşk
Hâne-perverd-i safâ olmaz şikâr-ı şîr-i aşk
Görme mecnûn-ı mahabbetle rakîb-i dîvi bir
Tavk-ı la'netle bir olmaz halka-i zencîr-i aşk
Müjde-i şâdî bilirdi gûş-mâl-i mihneti
Gûşuna tıfl-ı dilin okunmasa tekbîr-i aşk
Cezbesiyle çâhdan çekti çıkardı Yûsuf'u
Zûr-ı bâzû-yı mahabbet kuvvet-i te'sîr-i aşk
Feyz ederse rûh-ı pâk eyler Riyâzî âşıkı
Hâki zer etmezse cismi cân eder iksîr-i aşk
0
0
Yorum Yapmak için Kayıt Olun veya Giriş Yapın