Kûy-ı yâre sû be-sû diller akar sular gibi

 
 
208
 fâ‘ilâtün fâ‘ilâtün fâ‘ilâtün fâ‘ilün
 
 1 Kûy-ı yâre sû be-sû diller akar sular gibi
 Seyl-i tûfân-hîz-i eşküm çağlasun cûlar gibi
 2 Çâk çâk itmiş süveydâ-yı dili tamga-yı ‘aşk
 Târ u mâr itdi hevâ-yı zülfi gîsûlar gibi
 3 Ol nev-âmûz-ı sitem düşnâmına virmez nizâm
 La‘l-i dür-pûşı döker nâ-süfte incular gibi
 4 Vay hâle tîr-i gamzeñ kullanup hatt-ı lebüñ
 Sînemüz amâcgâh eylerse ebrûlar gibi
 5 Ol perînüñ vahşeti tâkat-rübây-ı cân u dil
 Gelmez âgûşa kaçar rem-kerde âhûlar gibi
277
 6 Neşr-i âfâk itdi bûy-ı zülfini düzd-i sabâ
 ‘Atse-fermây-ı subuhgâhı bu şeb-bûlar gibi
 7 Kâmiyâ nakş-azmây-ı sûzen-i üstâddur
 Kilk-i zer-dûzuñ mu‘ammer ola hindûlar gibi
 
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0