Kûyuña vardukça dil âşüfte vü şeydâ olur

Fâ‘ilâtün Fâ‘ilâtün Fâ‘ilâtün Fâ‘ilün

 

1. Kûyuña vardukça dil âşüfte vü şeydâ olur

Vardugınca bu göñül ‘âlemlere rüsvâ olur

2. La‘l-i dilberde ne hikmet var ki ey dil söylese

Bir güherden niçe dürr-i bî-bahâ peydâ olur

3. ‘Işk bir şeyh-i eceldür tekyegâh-ı sînede

Mürde diller dirilürler her gice ihyâ olur

4. Ey göñül âyîne gibi ‘âşık-ı dîdâr olan

Her nefes dîdâr-ı yâr evsâfını gûyâ olur

5. Sun‘iyâ Ferhâd olan taşdan çıkarur rızkını

Çekdügi mihnet anuñ Şîrîn içün halvâ olur

6. Olmagıl ‘ışk-ı mecâzîde ‘ibâdetden ba‘îd

Ey göñül Mecnûna Leylâ ‘âkıbet Mevlâ olur

 

Gelibolulu Sun’î (1486- 1534) Hayatı..

 

YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep