La‘lünde câm hamr-ı musaffâ degül midür
Hâlün siyâhı habbet-i sevdâ degül midür
Mihr-i ruhun ki devr-i kamerden haber virür
Arş-ı semâda nûr-ı mu‘allâ degül midür
Çün şâhid-i hakîkî sen oldun bu arsada
Rûhu’l-kudüs bu hikmete gûyâ degül midür
Hâcet degül meşâta kemâl-i cemâlüne
Şol sûret-i huceste müheyyâ degül midür
5. Hızr-ı dilüm ki kevser-i câm-ı lebündedür
Ez-çeşme-i hayât-ı to ihyâ degül midür
Her bî-haber ki bilmedi kadr-i visâlüni
Hayvândan ol ulâike ednâ degül midür
Peyveste tökdi kanumı mestâne gözlerün
Şol kâfır ez-îmân-ı müberrâ degül midür
Mir’at-ı lâ-mekân ki ruhun âfitâbıdur
Ârif katında manzar-ı a‘lâ degül midür
Cân virdi çün Hakîkî bahâ-yı visâlüne
Vaslundan ol fakîre temennâ degül midür
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368