Leb-i handânuñ ile kılduñ yâd
29.06.2016Leb-i handânuñ ile kılduñ yâd
Eyledüñ mürdelerüñ rûhını şâd
Beni yâd eyledüñ ihyâ itdüñ
Öldiler gitdiler ammâ hussâd
Tîg-i hecrüñle ber-â-ber kıldı
Nâvek-i gamzelerüñ zahmı ziyâd
Yüri ey serv-i ser-efrâz yüri
Kad-i bâlâña irişmez şimşâd
Kâmetüñ kullugına düşmeyicek
Olmadı serv-i hırâmân âzâd
Bâkîye emr nedür sultânum
Saña kul oldı mutî’ ü münkâd
0
0
Yorum Yapmak için Kayıt Olun veya Giriş Yapın