66.
Mefâ‘îlün mefâ‘îlün mefâ‘îlün mefâ‘îlün
Hezec . - - - / . - - - / . - - - / . - - -
01. Libâs-ı atlas u zer-beft dehrüŋ gerçi zeynidür
Dil-i dîvâneme şâl-ı fenâ besdür hüseynîdür
02. Ne sengîn-dil idügin bilürem mîzân-ı ‘akl-ıla
Dėmeŋ ol Yûsuf-ı hüsn-i bahâyı baŋa yeynidür
03. Ėşigüŋ Ka‘besinde eşk-i çeşmümden haber sordum
Gören dėdi anuŋ’çün zemzemüŋ gûyâ ki ‘aynıdur
04. Ezelden bûse-i la‘lüŋ alup cân nakdin ėtmiş ‘ahd
Göŋül şimden-gėrü teslîm ėtsün çünki deynidür
05. Sararmışdur VUSÛLÎ hasta-dil ėy gül-bün-i hod-rû
Firâk-ı çeşmüŋ ile nergisüŋ hakkâ ki ‘aynıdur
Hakan TAŞ, VUSÛLÎ [ö. 1592], DÎVÂN [İnceleme-Metin-Çeviri-Açıklamalar-Dizin], T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3308 KÜLTÜR ESERLERİ Ankara 2010