Lutf idüp geçmezse dildârum günâhumdan benüm

GAZEL 

 Lutf idüp geçmezse dildârum günâhumdan benüm

 Âh kim bir gün yanısar âlem âhumdan benüm

 Gamzesi hançer çeker komaz yüzini görmege

 Yâ Rab ana ne ziyân olur nigâhumdan benüm

 Zülfi sevdâsına gönlümi gözümdür düşüren

 Gör neler gelür bana bu rû-siyâhumdan benüm

 Ey sabâ ol mâh-ı bî-mihrün iricek kûyına

 Gâfil olmasun di âh-ı subhgâhumdan benüm

 Çün ölüp toprag olam sinümde bite lâleler

 Haddinün mihri kohusıyla giyâhumdan benüm

 N’ola izi tozını bâd ile gönderse dise

 Armagandur gözlerüne hak-i râhumdan benüm

 Bendesidür işiginde Aşki’yi redd itmesün

 Bu durur ancak murâdum pâdşâhumdan benüm

(Köksal 2012, s.1733)

  Üsküdarlı Aşki