Lutf ile bir nigâh ider söyleyimezse nâzdan

 

Müfte`ilün mefâ`ilün müfte`ilün mefâ`ilün

 

 1 Lutf ile bir nigâh ider söyleyimezse nâzdan

 Nice şikâyet idelüm ol büt-i dil-nevâzdan

 

 2 Gamzesi mest-i nâz ise nâzı da mest-i gamzedür

 Kanı o kim halâs ola mertebe-i niyazdan

 

 3 Sırrını bâd-ı nev-bahâr anlayamam ki saklaya

 Gonceye i`timâd yok bülbüle keşf-i râzdan

 

 4 Demreni isterüm geçüp sînede itmeye karâr

 Sakınurum gönüldeki âteş-i cân-güdâzdan

 

 5 Seyl-i hevesle toldı Yahyâ yine vâdî-i hevâ

 Geçmege sa`y u himmet it kantara-i mecazdan

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147