Mâ’il olma câme-i câha göñül sıkletlidür
14.04.2016
Fâ‘ilâtün Fâ‘ilâtün Fâ‘ilâtün Fâ‘ilün
1. Mâ’il olma câme-i câha göñül sıkletlidür
Hırka-i fakrı libâs it işte ol hıffetlidür
2. Râzı ol nahnü kasemnâ beynehüm takdîrine
Eyleyen Hakka tevekkül rütbesi rif‘atlidür
3. Nîm-nân hursendesi ol söyleme hâlüm şudur
Sırrını setr eyleyüp ‘arz itmeyen ‘izzetlidür
4. Aglar iseñ gûşe-i vahdetde kimse bilmesün
Dimesünler var ise bir kimseden hâcetlidür
5. Kâniyâ yârân ile ülfetden eyle ihtirâz
Muntazır olma selâma ol dahı minnetlidür
Dr. İlyas YAZAR , K Â N Î D Î V Â N I, Ankara 2012
0
0
Yorum Yapmak için Kayıt Olun veya Giriş Yapın