Mahabbet Kerbelâ’sında gözü yaşın döker Ravzî

392

Mefâ‘îlün/ Mefâ‘îlün/ Mefâ‘îlün/ Mefâ‘îlün

 

Gamuñda eşk-i hûnînin revân itse n’idem ‘âşık

Te’essüf eyleyüp cânâ aña çekmez ne dem ‘âşık

Gelür nakd-i sirişkiyle metâ‘-ı cevrüñ almaga

Bi-hamdillâh ider bâzâr-ı gamda dem kadem ‘âşık

250

Hasan hecrindesin ey müdde’î var zehr-i gam nûş it

Visâli bâdesin içer Hüseyn’üñ dem-be-dem ‘âşık

Eger kim tekye-i ‘ışk içre abdâl olsa gam çekmez

Olur fikr-i leb-i dil-berle kan hayrân didüm ‘âşık

Mahabbet Kerbelâ’sında gözü yaşın döker Ravzî

Hüseyn’üñ ‘ışkına gûyâ ki harc eyler direm ‘âşık

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009