Gazel

 

Mânî’-i izhâr-ı şükr-i lutf-ı Yezdândır sükût

Ben demem şâyeste-i erbâb-ı îkândır sükût

Nutkdur sermâye-bahş-ı eşrefiyyet âdeme

Bâ’is-i ihlâl-i şân-ı feyz-i insândır sükût

İmtidâd-ı bahs iken zînet-res-i bezm-i kemâl

Âkilin güftârına nisbetle noksândır sükût

Hakk u bâtıl şîve-i tedkîk ile ma’lûm olur

Kim demiş îcâb-ı hâl-i akl ü irfândır sükût

Bî-mezâkân-ı hüner keşf-i lisân etse nola

Sâtir-i cehl ü uyûb-ı şahs-ı nâdândır sükût

Düşmez ehl-i dâniş ü idrâke tarz-ı iftikâr

Fırka-i mezmûme-i cehhâle şâyândır sükût

Hep sükûnetdir sebeb bu âlemin berbâdına

Bâ’is-i ucb u gurûr-ı ehl-i tuğyândır sükût

Rast-gû-yı hall ü akd-i himmet ol her kârda

Hasma çün ser-rişte-i ityân-ı bürhândır sükût

Böyle Hikmet nükte-perdâz-ı kemâl olmak asîr

Âdet-i yârân gibi elbetde âsândır sükût

 

Kaynakça

Aka, B. (2014). Hersekli Ârif Hikmet. Türk Edebiyatıİsimler Sözlüğü: http://www.turkedebiyatiisimlersozlugu.com

Pekolcay, N., Eraydın, S., Tahralı, M., Uzun, M., Subaşı, M. H. (1981). İslâmî TürkEdebiyatı: Giriş. (2. Baskı). İstanbul: Dergâh Yayınları.